Open Blog
ممكن الفلسطيني يكون مُبدع؟
المهندس خالد السبعاوي .. فلسطيني لاجئ من غزة .. عاش وتعلم في كندا .. ودرس علم اسمه Geothermal Technology .. والعم جوجل ترجمها "تكنولوجيا الطاقة الحرارية الأرضية"
وهو باختصار علم بيساعد على توليد الطاقة القابلة للتدفئة او للتبريد بدون الحاجة لاستخدام الوقود
من خلال هادا التعريف يمكن تفكّروا انو الحديث تبع السبعاوي رح يكون ممل ومكلكع وعلمي بحت .. لكننا بنكتشف انو حديث مذهل ومضحك بنفس الوقت .. من أول المقدمة العبقرية .. لما خالد بيقلد فيها جندي اسرائيلي بيسأله Vat is za purpose of your visit to Israel؟ لغاية ما بيجاوب على مقدم الحفل بآخر الفقرة لما سأله عن سبب دراسته للهندسة!
وهو باختصار علم بيساعد على توليد الطاقة القابلة للتدفئة او للتبريد بدون الحاجة لاستخدام الوقود
من خلال هادا التعريف يمكن تفكّروا انو الحديث تبع السبعاوي رح يكون ممل ومكلكع وعلمي بحت .. لكننا بنكتشف انو حديث مذهل ومضحك بنفس الوقت .. من أول المقدمة العبقرية .. لما خالد بيقلد فيها جندي اسرائيلي بيسأله Vat is za purpose of your visit to Israel؟ لغاية ما بيجاوب على مقدم الحفل بآخر الفقرة لما سأله عن سبب دراسته للهندسة!
فيما يلي رح أعدد -من وجهة نظري- أهم الأفكار الي طرحها خالد السبعاوي خلال الحديث
.. واللي فعلا بتمنى انها تنتشر كما هو الهدف من مؤتمرات TED أساسا
1- في 2:17 بيطرح السبعاوي تساؤل او فكرة اتربى عليها خلال وجوده هو وأسرته بالخارج.. وبوجهها لكل المغتربين الفلسطينيين .. بيقولك: اذا كان ولاد فلسطين الي كانوا محظوظين وحصلوا على تعليم وشهادات وخبرات مميزة من كل مكان بالعالم ..اذا كان هما ما رجعوش عشان يساعدوا وضع البلد انو يتحسن .. يعني مين الي رح يساعدها !؟
2- في 2:53 معلومة خطيرة عن فلسطين .. بيقولك انو الكثافة السكانية في بلدنا هي الأكبر حالياَ مقارنة مع البلدان المجاورة .. وبالرغم من هيك بيدفع المواطن الفلسطيني أضعاف نظيره في الشرق الاوسط وشمال افريقيا مقابل الكهربا والوقود
3- التعريف تبع نظام الطاقة الحرارية الأرضية بيشرحلك اياه بالصور عند 5:47 كما تم تطبيقه فعلا في مدينة رام الله.. وهو اشي عنجد واو !!
4- بحكيلك بردو وبيجيب السيرة خلال حديثه بطريقة عبقرية في 12:22 .. لخطورةاعتماد السوق المحلي على الدعم الخارجي .. وهادي مأساة انا وغيري كتير بنعاني منها في غزة .. انتشار المؤسسات الغير حكومية المعروفة بالـ NGO's وهامش الراواتب المرتفع فيها بتضعف قدرة القطاع الخاص على استقطاب الكوادر والكفاءات تحديدا بسبب عدم قدرتهم على المنافسة المادية وتوفير الرواتب العالية ..
.. واللي فعلا بتمنى انها تنتشر كما هو الهدف من مؤتمرات TED أساسا
1- في 2:17 بيطرح السبعاوي تساؤل او فكرة اتربى عليها خلال وجوده هو وأسرته بالخارج.. وبوجهها لكل المغتربين الفلسطينيين .. بيقولك: اذا كان ولاد فلسطين الي كانوا محظوظين وحصلوا على تعليم وشهادات وخبرات مميزة من كل مكان بالعالم ..اذا كان هما ما رجعوش عشان يساعدوا وضع البلد انو يتحسن .. يعني مين الي رح يساعدها !؟
2- في 2:53 معلومة خطيرة عن فلسطين .. بيقولك انو الكثافة السكانية في بلدنا هي الأكبر حالياَ مقارنة مع البلدان المجاورة .. وبالرغم من هيك بيدفع المواطن الفلسطيني أضعاف نظيره في الشرق الاوسط وشمال افريقيا مقابل الكهربا والوقود
3- التعريف تبع نظام الطاقة الحرارية الأرضية بيشرحلك اياه بالصور عند 5:47 كما تم تطبيقه فعلا في مدينة رام الله.. وهو اشي عنجد واو !!
4- بحكيلك بردو وبيجيب السيرة خلال حديثه بطريقة عبقرية في 12:22 .. لخطورةاعتماد السوق المحلي على الدعم الخارجي .. وهادي مأساة انا وغيري كتير بنعاني منها في غزة .. انتشار المؤسسات الغير حكومية المعروفة بالـ NGO's وهامش الراواتب المرتفع فيها بتضعف قدرة القطاع الخاص على استقطاب الكوادر والكفاءات تحديدا بسبب عدم قدرتهم على المنافسة المادية وتوفير الرواتب العالية ..
5- خالد السبعاوي وفريقه قاعدين بينفذوا فكرة الطاقة الحرارية الارضية على اوسع نطاق في جامعة مأدبة في الأردن .. وتعرفنا معاه على "شوية" من الصعوبات الي واجهها فريقه بسبب الشبكة المتداخلة والمتعددة الألوان الموجودة في معظم بلادنا العربية .. والي اسمها "البيروقراطية" .. تفتكروا كان لازم ياخد تصريح من أكم جهة عشان يقدر يبدأ بتنفيذ المشروع؟ هو بحكيلكم عند 13:40
6- الحدث تبع تيدكس رام الله كان قبل الاعلان او التلميح حتى عن اتفاق المصالحة بين فتح وحماس .. والاحساس بالأسى كان مالينا كلنا لما عرض علينا هادي الصورة .. فلسطين هي الكيان الوحيد الي لسه ما صارش دولة .. ومع ذلك فيه حكومتين ماشاء الله
6- الحدث تبع تيدكس رام الله كان قبل الاعلان او التلميح حتى عن اتفاق المصالحة بين فتح وحماس .. والاحساس بالأسى كان مالينا كلنا لما عرض علينا هادي الصورة .. فلسطين هي الكيان الوحيد الي لسه ما صارش دولة .. ومع ذلك فيه حكومتين ماشاء الله
بجد انا فخورة بهيك نماذج مشرقة في بلدنا .. بالله ما انتو كمان فخورين ؟!
علا عنان
مدونة فلسطينية , من أعضاء فريق TEDx في غزة
* رابط التدوينة الأصلية على مدونة من غزة - نشرت بتاريخ 3/6/2011
